Transcription
1
Monseur, j’ay receu la votre du XIXe du passé et une aultre parevant du XXIIIe
2
d’aoust, et une aultre du XXIIIe du passé, toutes escriptes à Laval. Et
3
pour vous respondre à celle d’aost, j’ay receu aussi grand contentement
4
de l’arrivée et bon voyage et proffict et honneur de monseur d’Horches,
5
comme s’il estoyt ung de mes propres enfens, et en rendz graces à
6
Nostre Seigneur, et luy prye de bien bon cœur luy donner longuement joyssance
7
de toutz ces biens et honneurs. Et à ce que dictes qu’avez envoyé
8
deux archyers à ceulx d’Oranges pour vous faire payer, je me doubte
9
que vous n’en serez jamais payé sans leur mander despence à bon
10
essyent, ce que je suis d’advist que vous faictes ; et quand ilz
11
payeront, ne fault que vous oblyez de vous faire payer XXVIII soulz
12
que j’ay despendu pour les mander solissiter. Ilz me mandarent que
13
brief de temps ilz payeroyent la somme et aussi lesdits despens,
14et ne volleurent rien bailher au porteur ; et si j’avoys ceste [barré : pers ]
15
partye, je porroyez achepter une penssion de cent escus, de quoy
16
suis pressée de beaucoup de coustés. L’acte vous porra bien
17
adresser pour quel bout vous povés commenser pour leur faire
18
despence. Je scay bien que leurs mollins vous sont hypotèqués,
19
encores qu’ilz les ayent vendus à monsieur de Saint-André. Je me
20
suis tousjours doubtée qu’il ne vous porte domage de les
21
attendre, tant pourtant prenez y garde. Je suis très aise
22
qu’ayés en propos d’envoyer noz enfens en cez cartyers et que vous
23
et madame de Gordes les vuelhés suivre, et vous puis assurer
24
qu’ilz ne me scauroyent desacommoder en nulle sorte du monde,
25
ains me sera grand plaisir et contentement. J’ay veu les articles
26
qu’avoyent porté ceulx de la derrision à leur majesté
27
contre vous et ce que vous en a escript leur dicte maiesté,
28
dont j’en rendz graces à Nostre Seigneur qui vous a conduit
29et conduyra, s’il luy plaict qu’ilz [barré : ressoyent ] repcevront tousjours contentement
30
[v°] de voz actions. Et pour responce de celle du XIXe de septembre,
31
je rendz graces à Nostre Seigneur que Évènes et Laval soyent arrivés en bonne
32
santé. Je suis de votre advist qu’il est impossible que la jambe
33
dudit Laval ne ne se trovast enflé le soyr du grand voyage.
34
J’ay tousjours heu spérence en Dieu qu’il recepvroyt bon visage de
35
leur maj[es]té et de Monseigneur et ay spérence en luy qu’il en repcevra
36
bon traictement. Si votre frère La Roche ha ung peu d’entendement,
37
il pensera aux exemples qu’il a veu devant ses yeulx et
38
croyra votre conseil, que me semble seroyt fort bon, qu’il s’en
39
vint avec monseigneur le mareschal Dempville, Je suis bien aise
40
qu’estes tousjours en oppignion d’envoyer les enfens et de les suuyvre.
41
Touchant les mil escus, ilz sont toutz prestz, quand j’aurey la
42
commodité les vous envoyer ; mais assurés-vous que ne les mettray
43
en mainz qu’ilz ne soyent bien seurs, pour peur des inconvénientz ;
44
et à ce que dictes qu’avés envye de scavoyr comme les affaires
45
sont en ces cartyers, Dieu graces l’ons y est en grande paix et
46
tranquilité. Dans la lettre escripte d’aoust, y avoyt ung bilhet
47
me faisant entendre que vous havés ung homme en main que vous
48
semble seroyt propisse pour regarder sur toutz voz affaires, et que je
49
m’en enquestasse de mon nepveu, monsieur l’escuyer de La Coste,
50
lequel je n’ay veu despuis. Il est tant empressé à sa faulconarye,
51
que je ne le voys guières, et mesmes que monsieur de Cabanes luy
52
a dict qu’il n’est pas d’avist que viegne prendre les perdrix
53
ici, ains les fault garder pour vous. Il n’a pas grand envye de
54
faire le voyage en Daulphiné. Et pour vous respondre à celle du
55
XXIIIe du passé, je rendz graces à Notre Seigneur qu’estez tousjours en
56
oppignion de faire partir noz enfens et de les suyvre et que les choses
57
soent en bon estat en Daulphiné. J’ay aussi veu la lettre que vous a
58
escript leur maj[es]té ; j’ay aussi veu celle que vous escript
59
Evenes et rendz graces à Nostre [Seigneur] de ce qu’ilz sont toutz en bonne
60
[fol.61] santé. Vous ne me scauryés faire plus grand plaisir que d’escrire à votre frère
61
La Roche qu’il laisse ces meschantes et maleureuses oppignions, et si Dieu
62
luy faisoyt la grace de se volloyr retorner, vous le povés assurer que
63
toutz ses plus proches seroyent de bonne volanté luy faire tout le
64
contentement de quoy ilz se porroyent adviser ; et s’il ne le faict, je
65
luy prye ne se monstrer jamais devant moy. Je luy escris, s’il vous
66semble bon luy envoyerés la lettre, comme aussi fais-je à Évènes et [barré : à Laval ]
67
à Laval et à monsieur d’Hourches et ay adressé ceste despeche à
68
votre seur de Sainte-Claire, que la bailhera aux gens de monseur le
69
cardinal que la vous feront tenir. Je loue Dieu de ce que me
70
mandés qu’il y a beaucoup de gens que se remettent à notre sainte foy
71
catholique, et ay spérence en luy qu’il imspera aussi les aultres, s’il
72
luy plaict. Je n’escriray rien à monsieur de Caderosse, puisque
73
ainsin vous le trovés bon. Je vous assure que noz affaires de Cabanes
74
vont assez mal. Nous havons quelque vigne et olivette à Château
75
Renard et à Noves. Ilz nous gagèrent l’année passée pour payer les
76
tailhes ; l’ons en advertit monsieur le président de Masan. Il dict que
77
manderoyt quelque provision et n’en fist rien. Ilz nous ont tourné
78
gaiger ceste année et prins les fruictz que nous y prenons. J’en ay
79
adverti monsieur le président de Fuveau qu’il y donne ordre, voyant
80
qu’il est là sur le lieu. Je ne scay ce qu’il fera. Je vous prye solissiter
81
Laval de l’affaire que vous scavés. Despuis j’ay parlé à
82
monsieur de La Coste de l’homme que vous scavés, et m’a dict
83
que ci peu que la congneu, que seroyt fort propisse pour voz
84
affaires. Je vous renvoye voz lettres d’Évènes et de La Roche.
85
Je vous prye continuyés à l’andret de vostre frère La Roche comme
86
avés à commansé. Vous ne sayés fère puls gande cheyse et à moy byen
87
gant pelsyr, é je prye Dyeu que vous tyenne an sa seynte
88
garde é portesyon. Vostre seur se recommande humblemant à vostre
89
bonne grasa é de madame de Gorde, comme ausy foys-je.
90De Gargas, le VI d’otobre [barré : 157 ] 1572,
91
Vostre mère
92
Pierre de Pontevès
93